[walaa farouk]

اللي ماسك حجر افتكر نفسه أنضف منها،
افتكر نفسه أحسن منها…
بس هو شاف حاجة تانية، شاف قلبها، شاف وجعها،
شاف خوفها. ولما رفع عينه،
كانت كلمته الوحيدة: “ولا أنا أدينك.”

كل الناس كانت واقفة مستنية الحكم،
مستنية يسمعوا كلمته عشان يمسكوا الحجارة
ويرموها عليها. نظرات الاشمئزاز والاحتقار
كانت محاوطاها من كل ناحية…
لكن هو ركع وكتب على الأرض.

كل الناس دانتها…
لكن هو احتضنها. فرق كبير بين نظرة الناس ونظرة يسوع.