[walaa farouk]

مافيش زيّك
عارف لما تدور في كل الناس وماتلاقيش حد يشبهه؟
لما تفتكر كل اللي عرفتهم، كل اللي قابلتهم،
كل اللي حاولوا يكونوا زيّه، بس برضه ماحدش عارف يكون هو؟
لما تبقى تعبان، ومش لاقي اللي يفهمك،
وتكتشف إنك مش محتاج حد يفهمك،
لأنك أصلاً عندك حد سامعك حتى من غير ما تتكلم؟
لما تحس إنك وحدك، لكن فجأة تفتكر إنك مش لوحدك؟
لأنك مع اللي مافيش زيه، مافيش حضن زي حضنه،
مافيش أمان زي أمانه، مافيش حب زي حبه.
يا رب، مافيش زيّك.