[walaa farouk]

دروس من الأوقات التقيلة
١- الله موجود .. وموجود بقوة في البني ادمين الحلوة
.. بيعلن عن ذاته و بيرسل رسايل..
٢- الملايكة مش بس بجناحات.
. في ناس وسطينا كتير بيكونوا ملايكة للي حواليهم..
٣-لو حد طلب منك تصليله.. متبخلش.
. خد طلبه بجدية و امانة.. و ارفع اسمه قدام الله..
٤- انت بقى ..هدي سفينه حياتك.. و صلي..
ه- اتواجد بقوه و بمحبه عملية في الأوقات الصعبة لغيرك..
دور معاهم على حلول و شاركهم اللي بيمروا فيه..
هتكبر في انسانيتك..
٦- السعادة حقيقي ممكن تتلاقي في حاجات بسيطة قوي ..
٧- في وسط الألم.. دور علي أي سبب يخليك تضحك.
. ممكن بعدها تبكي عادي..
بس على الأقل هتكون مصحوبه بابتسامة..
٨- الأطفال حكماء.. بيدوا دروس..اسمع منهم.
. و اتعلم.. عندهم كتير..
٩- لما بتتكربس..غالبا بتتكربس كلها على بعض
.. معلش وقت و هيعدي..
١٠- خليك مرن مع تقلبات الحياة.. مفيش حال ثابت.. أياً كان..
١١- في أيام حلوة جاية.. يمكن مش شايفينها دلوقتي
لكن هتحصل..لانه في يقين انه الله محب ، حنان و عادل..
١٢- اخيراً الأوقات الصعبة مش معناها انه ربنا ناسيك..
لكن معناها انه شايفك قدها.. خليك قد المسئولية
و كن نور للناس في وسط ظلام حياتك..