[Mary Naeem]

بالحكمة إنت وحدك ماسك زمام الأمر
كل الخيوط في يدك وآمين بطول العمر
ليك الكلمه الأخيره مهما قالوا في كلام
عالي وإيدك قديره قلبك مليان حنان

صالح إنت ومحسن صالح بطول العمر
وفي سترك إنت نسكن مهما السنين بتمر
مهما الظروف تعاند وإن مرت الآزمات
تفضل بتقود وساند في أصعب الآوقات

ما بتدي إلا الخير مهما المشهد ظلام
كله بأمرك يصير دي وعودك مش كلام
تفاصيل العمر عندك حاسبها بالإتقان
وحياتي هي ملكك حبك آفضل ضمان

إديني عينين تشوفك وتصدق بالإيمان
دا ما فيش أمر يفوتك وفي إيدك السلطان
يا حبيبي ساعدني أشكر أسلم واستريح
واخضع لك ربي واصبر انت حكمك صحيح

يتبعني خير ورحمه دايماً
وفي كل يوم إكليل إحسان ورآفه فوقي دايماً يدوم
وانا تايه بتراقبني وبترثي لكل ضعفي
تشفع لي وتعالجني وبنعمه ترد نفسي