14 - 10 - 2024, 05:48 AM
|
| |
..::| مشرفة |::..
|
|
|
|
|
|
زوادة اليوم:
ما بقا عندك سبب ما تنام!
بتتذكّروا لمّا القدّيس بطرس نام بالسجن؟
كيف غفي هنّي و مرَبطينو و محاوطينو الحرّاس و عارف إنّو بدُّن يقتلوه؟!
طيّب، بتتذكّروا لمّا الموج كان رح يغرِّق السفينة و الكل خيفان و عم يصرخ و يسوع كان نايم؟
كيف قدر يغفى بقلب هالخطر؟!
يسوع غفي و عارف إنّو بكلمة مِنّو العاصفة رح تهدى و كان بدّو يفرجي التلاميذ قوِّة الإيمان و بطرس غفي عارف إنّو الربّ سهران و هوّي مسلمو كل شي!
ما بقا عندك سبب ما تنام!
حط مسبحتك تحت مخدتك و صلّي و سلّم كل شي للربّ بكلّ إيمان و غمِّض عيونك... آمِن إنّو لو صلّيت و ما سمعت جواب و فكَّرت الربّ نايم هوّي موجود و تأكَّد إنّو رح يتدخَّل بالوقت المناسب...
سلام الرب بقلوبكن
|