[walaa farouk]

بلا شك، إن سماع صوت ربنا في حياتنا المعاصرة
أمر مش سهل برضه، لأننا عندنا يقين أن ربنا موجود،
وبما أنه موجود فهو أكيد متكلم ومش صامت أو متفرج،
يبقى أكيد عنده كلام يقوله لكل واحد فينا
ولأن كلامه ممكن يشقلب حياة اللي هيسمعه،
ويعمل من الحياة دي حاجة أبعد من اللي أي حد فينا
بيحلم بيه ده بيخلينا نشوف أن سماع صوت ربنا ده موضوع مهم
(إن مكنش الموضوع الأهم على الأطلاق)
السؤال اللي موجود في الصورة ده إتجاوب عليه بإجابات مختلفة
.... لكن الإجابة الأساسية اللي عمر ما يختلف عليها اتنين من المؤمنين بالمسيح هي أن ربنا بيتكلم من خلال الكتاب المقدس
اللي كل آية فيه ممكن تشتبك مع فكرة غلط في عقلنا
أو مع اتجاه مش سليم جوه قلبنا ...
علشان نرجع مرة جديدة نسمع صوت ربنا...
محتاجين الاشتباك ده بين الكلمة وحياتنا أنه يحصل،
ويحصل كتير مع إنه متعب وأحيان كتيرة بيكون مؤلم
إلَّا أنه بيبقى برضه لذيذ وممتع😍
كفاية أن الواحد فينا بيبقى متأكد أن الله بكامل جلاله بيتكلم ليه
ولحياته ...
الوقت اللي بنسمع صوت ربنا هنا ودلوقتي،
القيمة الفعلية لكل دقيقة ولحظة في حياتنا بتزيد جدًا
كلام ربنا لينا بيغني حياتنا. بنصلي أن ربنا يسمعك صوته🤲