[walaa farouk]

واستاذن الست العدرا انا هاضرب الست قلم علشان ماتعملش كده تاني في بناتنا…

في يوم كانت في واحده ست شريره بتاخد فلوس من شباب
علشان تجيبلهم بنت علشان يعملو معاها الخطيه و محدش كان يعرف سرها ده..

و في يوم نزلت و كان بينها و بين بنت كويسه معرفه
و قالتلها تعالي معايا علشان اروح الحاجات دي البيت و و مثلت علي البنت الغلبانه دي
و بالفعل راحت معاها البيت و بعد دخولها اتفاجأت بوجود مجموعه شباب
في انتظارها و انهارت البنت
و قعدت تصرخ للست العدرا كتير و تنده عليها الحقيني الحقيني و تبكي
و الست بتضحك و تقول انسي محدش هايعبرك..

و فجأة جت ام النور ومعاها ابونا انجيلوس و مسكو يد البنت
و هايروحوها علي بيتها قبل مايلتهموها الذئاب..

و الطريف هنا استاذن ابونا الست العدرا و قالها اما اضربها علي وشها قلم
علشان ماتعملش كده تاني في اي بنت تاني 🙂

و عرفنا من ابونا يوم محكالنا الحكايه دي انه وقت مالبنت كانت بتصرخ
جت ام النور لابونا وقالتله يلا علشان في مشوار مستعجل
و لما راحو للبنت ام النور مسكت يد و ابونا مسك اليد التانيه للبنت
و روحوها علي بيتها في سلام ❤️❤️

وصي علينا حبيبتك يا غااالي و خد بالك علي كل ولادك
و بناتك في كل مكان 🙌🏻