[souad jaalouk]

زوادة اليوم:
إكرام مريم

بيخبّرو عن رِجّال كان معروف بسلوكو الرديء، لدرجة إنّو كان من قطّاع الطرُق، يسلب الناس لحتّى يعيش ويطعمي عصابتو.

بس هالرِجّال كان على طول يكرِّم إمّنا مريم، بيوم من الإيّام مُرِض وصار طريح الفراش، وما عاد عندو حتَّى كَسرة من الخبز لحتّى يسكِّت الجوع يلّي بداخلو، لحتّى بيوم من الإيّام بتظهرلو مريم العدرا جايبتلو أفخر الأطعمة، بس بصحون متِّسخة من الخارج.

بيتشكَّرها بس بيعبِّر عن إنزعاجو من الوسخ يلّي على الصحون من الخارج، بتبتسملو مريم إبتسامة إمّ وبتقلّو :

«حالتك متل هالصحون، بتقدِّملي كلّ الإكرام بَس إنتَ مِن برّا كتير متِّسخ، لازم تطهِّر حالك تتوب وتندم عن ماضيك وإبني يسوع بيصيِّرك إناء نضيف من الخارج ومن الداخل».

الزوّادة بتزكّرني وبتذكّرك :

بكلام الربّ، حرام نكون متل الفرّيسيّين نطهِّر خارج الإناء وداخلو يكون متِّسخ، خلينا بالعكس نكون آنية جديدة، بداخلنا خمرة جديدة، والله معك