ازمه شخصيه
لو محستش أنك مكسوف من نفسك
لما تشوف شاب ف سنك بيلف بغزل البنات
عشان يطلع لنفسه كام جنيه
ولو محاولتش تستخبي
أو تحط عينك فى الأرض لما شاب ف سنك
او اكبر منك بيقولك يا باشا
ولو مخبطش كف بكف
ونفخت بحرقة
من واحد قد أبوك بيقولك إتفضل يا بيه
ولو مدمعتش
لما واحد قد جدك بيفتحلك الباب فى محل فاخر
يبقي عندك
أزمة شخصية
فى فهم معني العدل الأجتماعي
وأحسنلك متحاولش تطالب بيه
او تكتب عنه