[walaa farouk]

ابن (او بنت) الأصول عملة غالية ما فيش بعدها غلاوة..

ده احسن صديق، و ده احسن شريك حياة ..

ابن الأصول يدي و ما يسألش ح ياخد ايه فى المقابل .
. يحب بفيض ، و يتمنى لك تكون احسن منه ..

اين الأصول يقف جنبك قبل ما تطلب ،
و يكرمك اكتر من توقعاتك .. لا يحاسب و لا يعاتب و لا يعاقب ..
و حتى لو زعلك هو إللى يقولك حقك على ..

ابن الأصول سند و ضهر و جدع ابن بلد ، شهم و كريم و شبعان.
. طلباته انه يشوفك مبسوط ، عنده حيا و ما يتقلش عليك و لا على حد ..

ابن الأصول غنى بأخلاقه مش بفلوسه ؛
و حتى لو عنده كتير يحسسك انك احسن منه بتواضع و عزة نفس ..
و لأنه ما يحبش يزعل حد ،
تلاقيه بشوش و راضى حتى و هو فى عز تعبه..

دور دايما على ابن الأصول، و ما تعاشرش
و لا تآمنش لغيره علشان ما تتصدمش ..