[walaa farouk]

كنت في رحلة
و المكان اللي كنت فيه كان فيه مجموعة غربان ،
المهم مخدتش بالي من المعلومات اللي كنت بسمعها زمان
ان الغراب بيخطف الاكل ، و سيبت كيس السندوتشات
علي الترابيزة و رجعت لقيت الكيس فاضي الغربان
كلوا الأكل كله و خطفوا كل سندوتشات الفينو .

العجيب ان إتقال في قصة ايليا ان الله قال له :

وَقَدْ أَمَرْتُ الْغِرْبَانَ أَنْ تَعُولَكَ هُنَاكَ»." (1 ملوك 17: 4).
و كمان آية بتقول :
«مِنَ الآكِلِ خَرَجَ أُكْلٌ، وَمِنَ الْجَافِي خَرَجَتْ حَلاَوَةٌ»
( قضاة 14 :14)

يعني الغربان اللي بتخطف الاكل هي اللي هتجيب لك الاكل ،
الله حساباته مختلفة يقدر يحول الشر لخيرك ،
يقدر يحول التضييق عليك لبركة ليك
، يقدر يحول تعمد إذلالك لنصرتك ، يقدر يحول اللعنة لبركة .

إزاي ؟
دي شغلته ، هو قدير انه يعمل كدة ببراعة و مهارة .

✍️