[walaa farouk]

برغم كل اللي عدّى بيه الرسول بولس من عذاب جوّه السجن..
بعت لمؤمنين فيلبي يقولّهم:
اِفْرَحُوا فِي الرَّبِّ كُلَّ حِينٍ، وَأَقُولُ أَيْضًا: افْرَحُوا.
(في ٤: ٤)
مش عارف إزاي يبقى عنده طاقة إنه يشجعهم يفرحوا..
طيب بص لظروفك إنت الأول..

في الحقيقة إحنا محتاجين شخصيات في حياتنا زي الرسول بولس.
. ناس مليانين تشجيع حقيقي ومحبة واحتواء

محتاجين قامات تفرق في حياة صغار المؤمنين..
قامات روحية مش قامات في الفخامة والوجاهة..
قامات في إنكار الذات والتضحية..

قامات روحية تشوف ناس زي بتوع فيلبي
اللي في بداية الأصحاح بيقول إن كان عندهم شوية مشاكل
بسبب خلافات بين أبرز سيدتين
متقدمتين في الكنيسة (أفودية وسنتيخي)..

لكن جمال قلب بولس يقول للكنيسة دي إنهم فخر ليه وسبب سروره..
إِخْوَتِي الأَحِبَّاءَ وَالْمُشْتَاقَ إِلَيْهِمْ، يَا سُرُورِي وَإِكْلِيلِي
، اثْبُتُوا هكَذَا فِي الرَّبِّ أَيُّهَا الأَحِبَّاءُ. (في ٤: ١)

بعدها بولس قدم نصيحة إنهم يعيشوا فكر واحد في المسيح.. وإنهم يفرحوا بالرب وحده..

وأنا بتأمل في الكلمات دي بارفع قلبي لإلهي وأقولّه:
من فضلك علمنا نفرح بيك..
ساعدنا نشوف جمالك و روعتك وسط مشاهد العالم المؤذية..
نختبر فرح حقيقي رغم سواد الأحداث.
. تتملي القلوب ببهحة حضورك في الحياة..

ساعدنا نكون سبب راحة للمتعبين..
رسالة فرح وبهجة للنفوس المكسورة المتألمة..
إطبع صورتك فينا يا رب يسوع 🙏

إفرحوا_في_الرب_كل_حين
إله_كل_نعمة