[walaa farouk]

امتي تقدر تحب تانى ؟؟

مفيش حب اولانى يتنسي بحب تانى !!

تقدر تعمل كده لما تشوف حبيبتك (حبيبك ) او خطيبتك (خطيبك) الأولاني و قلبك ميدقش و ميتأثرش ..

اوعى تقول لحد انت كبرت ف السن و رفضك للزواج دا غلط ،
و انسي بقي الموضوع اللي حصل زمان و خِلص و عيش حياتك ..
اوعى تقبل ان تبقي مع حد، و قلبك مع حد تاني
و تصدق انك ح تنجح فى زواجك !!

محاولتك لنسيان شخص بوجودك مع غيره
، ح تفشل مع أول اختبار حقيقي .

اللي عايز ينسي حد لازم ينساه و هو قدامه طول الوقت
. مش ينساه بشخص تاني ، لان مفيش حب بيتنسي بحب ..

مرات لما تكون بتحب شخص ، والموضوع ميكملش ،
و بعدها بفترة يظهر شخص تاني يهتم بيك و بتفاصيلك و بكل حاجة تخصك ، تبتدى تحس انك بتحبه (بالكدب) و تقرب منه اكتر ..

بس بعد شوية تحصل ( صدفة )
تجمعك بالحب القديم اللي كنت معاه ، و تتهز وتضعف ..

في اللحظة دي بتبان كل الحاجات اللي حاولت تداريها ،
بتتأكد انك كنت بتكدب علي نفسك و انك ما نسيتش حاجة ،
فتكتئب و تتوه ..

اكبر غلطة بتقع فيها انك ما تصبرش و متديش كل حاجة وقتها ..
بتبقي عايز تنسي الموضوع بسهولة
و بسرعة بس دا مش صح ولا حقيقي ..

الطريقة الوحيدة علشان تنسي اي حب انك تنساه وهو قدام عينك
، حتى لو بصعوبة و بعد محاولات كتير ..

لكن الهروب من حب لحب و التسرع فى الارتباط
بشخص عمره ما كان حل ابدا ..

المشاعر حساسة جدا ، و قرار الارتباط
لازم يكون مبني علي حاجات كتير اوي اوي اهمها انك تبقى واثق ان مفيش جواك مشاعر ناحية اي شخص تاني غير اللي قررت نكون معاه وبس ، و ان قلبك ميدقش و متتخضش ولا تتهز لما نشوف الشخص الاولاني صدفة ..

مشاعر الناس مش لعبة ،
و مش مسموح لك تجرب فيها بحجة انك تنسى حب قديم
بحب جديد ، و مش مسموح لك تكون اناني لدرجة
انك تقرب من حد و تقول لنفسك
اكيد مع الوقت ح انسي اللي قبله !!

قلوب الناس مش مجال للتجربة ، و جرحها مش هيّن ..

!.