[walaa farouk]

(الشخص الذي عاش حياته مخادع يقع فريسه الخداع )
الشخص ده هو يعقوب
يعقوب لما خدع ابوه اسحق وسرق البركه من عيسو بالمكر
يقع فريسه الخداع فى اصحاح ٢٩
وده لان الكتاب بيعلمنا مبدأ مهم جدا لازم نخلى بالنا منه
لاَ تَضِلُّوا! اَللهُ لاَ يُشْمَخُ عَلَيْهِ. فَإِنَّ الَّذِي يَزْرَعُهُ الإِنْسَانُ إِيَّاهُ يَحْصُدُ أَيْضًا. (غلاطية ٦: ٧)
حصد يعقوب بنفس الطريقه راح لخاله علشان يتجوز راحيل
مقابل خدمه ٧ سنين وفى الصبح اكتشف أنها ليئه
وقال لخاله كده لماذا خدعتني.

لكن من ناحية تانيه الله كان قاصد انه يأدب يعقوب لخيره
علشان يصنع منه إناء مختلف، ودا اللي حصل معاه فعلا
في نهايه قصة يعقوب بنشوفه شخص مختلف تماما.

راجع نفسك الله لايشمخ عليه .
ودا تحذير ليا وليك علشان ناخد بالنا كويس من تصرفاتنا.

كمان خلونا نفتكر محبة الله لينا اللي الكتاب بيقول عنها
"لَمْ يَصْنَعْ مَعَنَا حَسَبَ خَطَايَانَا، وَلَمْ يُجَازِنَا حَسَبَ آثامِنَا" وأنه في نعمته ومحبته حتى لو سمح بتأديبنا بيكون كله علشان خيرنا🙏🏻