[walaa farouk]

هاجر امرأة ربنا منسيهاش..




أنا هاجر خدّامة سارة وإبراهيم
و سارة خلت إبراهيم يتجوزني عشان يجيبوا الولد الي نفسهم فيه.
ولما عرفت سارة إني حامل، طريقتها اتغيرت
وبقت وحشة فأنا مستحملتش وهربت..
بس شوفت منظر عجيب!.. شوفت ملاك واقف قدامي
وقالي لازم ترجعي لبيت سارة تاني .. وقالي أنه ربنا حاسس
وشايف قد ايه أنا متضايقه وان اللي في بطني
هيكون ولد واسمه إسماعيل يعني (ربنا بيسمع)
رغم اني كنت لوحدي لكن ربنا مكانش ناسييني..🫂
وفعلاً رجعت وجبت ولد وسميته اسماعيل
وبعد سنين كتير سارة خلفت ولد وسموه إسحاق و كان هو الولد اللي مستنينه..
وبعدها سارة خلت ابراهيم يمشيني.. واللي حصل انه أنا وأبني تهنا في الصحراء وشوية المياه خلصوا كمان وحسيت اني خلاص هموت:: سيدي سابني والهي تركني💔
بس في لحظتها جالي ملاك وقالي متخافيش
ربنا فاكرك انتي وابنك. وربنا فتح عيني وشوفت بير مياه.
وقت ما كانت شاعره اني لوحدي طلعت مش لوحدي 😄
ربنا مسابنيش ولا نسيني .. 😍
هَلْ تَنْسَى الْمَرْأَةُ رَضِيعَهَا فَلاَ تَرْحَمَ ابْنَ بَطْنِهَا؟ حَتَّى هؤُلاَءِ يَنْسَيْنَ، وَأَنَا لاَ أَنْسَاكِ." (إش 49: 15).
ربنا مش ناسيك.. هو شايف وعارف وحاسس بكل ظروفك. لو الأم نسيت رضيعها.. هو عمره ما ينساك.
صدق هو عمل كده معايا ومسبنيش.🫂❤️