[توتا كمال]

زودي خبرات بنتي الحياتية في 8 خطوات بسيطة؟
إيه الحاجات اللي :
لو رجع بيكي الزمن تاني هتكرريها مع بنتك 💚
وإيه اللي مش هتكرريه تاني❌

وكنت بقول عن نفسي لو رجع بيا الزمن هزود عند ولادي خبرات حياتية أكتر.
-------------------------------

في 8 نقاط سريعة هنتكلم مع بعض إزاي نزود خبرات ولادنا الحياتية👇:

1-هكتر خروجاتهم مع أغراب(رحلات ، كامبات، أصدقاء جداد )مع مراعة تأمنهم بوجودي مثلًا

2-هعدد المواقف اللى مش متعودين عليها علشان خبراتهم تزيد عن طريقها

3-هعدد مصادر تعلمهم المنفصل عني وعن المدرسه ومش أونلاين (كورسات، ورش عمل ، فرص شغل على قد سنهم، فنون وحرف يدوية )

4-هخليهم يشتركوا في الأنشطه المجتمعية أو الأعمال التطوعية في المدرسة أو بعض المؤسسات الخيرية (وما أكثرها في مصر)أو في النادي أو مع بنات الحي اللي ساكنه فيه

5-الفسح والسفر واكتشاف عوالم ومجتمعات وأماكن وثقافات وتجارب جديدة

6-تشجيعها على دراسة علوم مش موجوده في المدرسة زي لغة جديدة أو علوم ش.رعية أو لغات البرمجة

7-اشتراكها في نوادي زيادة عن النادي الإجتماعي أو الرياضي بتاعنا ومناسب لنقاط قوتها وميولها زي نادي القراء ، رابطة محبي التطريز .. الخ

8-هعودها على القراءة العامه بعيدًا عن المناهج المدرسية

🌷وأهم نقطة في النقاط دي كلها إني هختار المناسب منها لظروفنا وميول البنت وهدخله لها بطريقة ممتعة ومحفزة

😉ولو عندك ولد الكلام ينفع برضو معاه .