23 - 09 - 2023, 01:23 PM
|
|
|
|
..::| الإدارة العامة |::..
|
|
|
|
|
|
عديت بفراق حد غالي أوي عليّ💔
بدون تفاصيل مفهوم الحالة..
وبعدها بفترة حد تاني فارق🥺
ولاقيت نفسي بادخل في هياج من المشاعر..
سألت الله: وبعدين يارب ؟!
قال لي طبيعي جدًا اللي أنت فيه.. طبيعي تحزن وتتوجع
.. لكن ماتعطلش نفسك..
ركز في اللي جاي.. وبدأ يفتح عيني على دوري اللي هاعمله..
وقررت اركز فيه..
طبعًا اللي حصل ده مليان أحداث في شهور وتفاصيل
ومشاعر وتخبط وأسئلة وصلوات
وخناقات جوايّ لأن ببساطة اللي فارق ده مافارقش بالجسد
.. القصة معقدة شويتين..
لكن قررت أعمل زي بولس:
وَلكِنِّي أَفْعَلُ شَيْئًا وَاحِدًا: إِذْ أَنَا أَنْسَى مَا هُوَ وَرَاءُ
وَأَمْتَدُّ إِلَى مَا هُوَ قُدَّامُ، أَسْعَى نَحْوَ الْغَرَضِ
لأَجْلِ جَعَالَةِ دَعْوَةِ اللهِ الْعُلْيَا فِي الْمَسِيحِ يَسُوعَ. (فيلبي ٣: ١٣، ١٤)
يارب بكل خضوع أنا عايز أنسى اللي فات..😰
عايز أركز على هدف انت رسمته ليّ.
عايز أهتم بدعوتي وماتلخبطش بسبب ماضي وذكريات..
باحلم ببكرة وجمال الدعوة معاك💜
|