[مريم ميرو]

- رتلوا يا صبايا وقابلوها قيدو الشموع وزفوها

هاتوا الزهور و رشوها وبنعمه ربنا هنوها

دى الست العذراء الجوهرة

القرار

فوق القباب بصوا شوفوا الست العذراء منورة

واقفة بتطل ست الكل الست العذراء الجوهرة

2- يا عذراء نورك دا هدانا من المهالك نجانا

ثبت ايماننا وقوانا خليكى دايما و يانا

يا ست يا عدرا يا جوهرة

3- ست العذراء واقفه معانا بنورها الساطع سمعانا

واقفة بتشفى مرضانا وقلوبنا كلها فرحانة

يا ست يا عدرا يا جوهرة

4- يا رب من الشر انقذنا اغسل قلوبنا وسامحنا

طالبين معونتك تنقذنا بشفاعة أم مخلصنا

يا ست يا عدرا يا جوهرة

5- سايبين ديارنا وبيوتنا جايين نزورك بقلوبنا

اشفعى وشوفى دموعنا من الخطايا اشفى قلوبنا

يا ست يا عدرا يا جوهرة