لما ببص للصوره دى بفضل اكلم نفسى ياترى انا مين فى دول يارب
انا اللى شايلنى وبترعانى وخايف عليا وبايدك الحلوه محاوطنى من صغرى من يوم ولادتى 🤱👼❤️
ولا انا اللى ساند عليك وفرحان بيك ابويا وحبيبى وبشكرك على اللى عامله معايا 🙏❤️
ولا انا اللى جاي اشكيلك واحكيلك من اللى اتعمل فيَّ😭🙏
ولا انا اللى مستخبي فيك لانى ضعيف 😔
ولا انا اللى بفرك فى عيونى لان جمالك وبهائك غطى عيونى 😍
ولا انا اللى طالب عطفك وحنانك علشان تقوينى 🤕💪
ولا انا اللى عينى عليك وبقولك خلى عينك عليا ومتسبنيش ابدا 🙇🙏
ولا انا اللى بقولك قوينى يابويا عضدنى اجبر عظامى المتكسره 🤕🤦
لقيت نفسى كل دول 😊🙃
لقيت نفسى فى كل واحد فيهم وانت كل حاجه ليا ❤️
انت الحب اللى عيشة انت العشره اللى مقدرش استغنى عنها انت كل حاجه ❤️