[walaa farouk]

بلعام بن بعور النبي


معنى اسمه الملتهم سكن في قرية بين النهرين وكان نبي مشهور جدا
لكن برغم كل المجد اللي ربنا أعطاه ليه لكنه هلك في النهاية
لكن هيكون تأملنا في شخصيته اننا نتعلم ازاي كوكب عظيم زي بلعام سقط؟
1- بلعام صاحب العقل
كان بلعام يتصرف مع الناس كأنه ملك ونبي في نفس الوقت
صاحب عقل جبار وحكمة شديدة
حتى ان بالاق الملك لما وقع في مشكلة مع بني إسرائيل لجأ لبلعام
2- بلعام صاحب اللسان الساحر
كان كلام بلعام دايما يمتاز بالفصاحة
حتى طريقة عرضه لنبوته كان بطريقة الشعر
قيل عنه أنه أقرب إلى شعر إشعياء وبلاغة حبقوق وكان أمير البيان
فكان يسحر الملوك بكلامه وبلاغة كلامه
3- بلعام ومشورة الله
من الظاهر يظهر أن بلعام يطلب مشورة الله في كل كبيرة وصغيرة
لكن هو الشكل الظاهري للعبادة
ولو قارنا ما بينه وبين حماره هنلاقي ان الله أعلن للحمار
وشاف الملاك اللي كان عايز يهلكه وهو لم يرى الملاك
تعالوا نطبق اللي اتعلمناه
1- ان كنت حكيم العقل احذر ان يأخذك عقلك لأفاق لا تدري ما توصلك إليه
لأن من يجعل العقل يقوده فقط يصبح إنسان جاف المشاعر وبارد الروح
لذلك اهتم ان تشارك قلبك وروحك مع عقلك
2- لا تجعل لسانك هو سبب هلاكك
كما قيل في الأباء " لا تدع لسانك يجعل جسدك يخطئ"
3- اطلب مشورة الله في كل حياتك وفي نفس الوقت عود نفسك على " لتكن مشيئتك:"
واقبل مشيئة الله مهما كانت