[walaa farouk]

اتكلت على الناس و خذلتك 😔
شفت حد واسطة بس نسي الموضوع🤨
ناس سابتك وقت إحتياج 😏
حصل معاك موقف من المواقف دي أو شبيه ليه؟!
أحب أقولك إن حتى المواقف دي أوقات الرب بيستخدمها لخيرنا 😳
زي ما عمل مع يوسف لما دخل السجن وفسر الحلم للسقا والخباز
وطلب من السقا إنه يذكره عند الملك ويقوله إنه مظلوم بس هو نسيه 😩
بس ... ده كان جزء من خطة الله وتوقيتاته مع يوسف كان الوقت لسه مش هو ده
ولا كانت دي الطريقة المناسبة اللي يخرج بيها من السجن 🤌
أصل الطريقة المناسبة والوقت المناسب بتوع الرب خلى يوسف يخرج
من السجن للمُلك يعني كان مقصود إنه ينساه 😯
لأنه لو افتكره كان ممكن يودي القصة في حتة تانية خالص
"الرَّبُّ يَهْتَمُّ بِي. عَوْنِي وَمُنْقِذِي أَنْتَ. يَا إِلهِي لاَ تُبْطِئْ "
فأشجعك متزعلش لو في باب اتقفل قدامك أو ناس مقدرتش تساعدك أو نسيتك أو حاجة متعطلة 🤔
تأكد إن الرب عينه سهرانة وماسك بزمام كل الأمور
وهو قادر يهتم بيك وعارف بيتدخل إمتى وإزاي أطمن 😇