[walaa farouk]

مش كل الناس شاطرة فى كل حاجة ،
و علشان كده ما تستناش من واحد انه يديك كل احتياجاتك، لان ده نادر جداً ..
اصل كل واحد شاطر فى حاجة واحدة بس فى علاقته بيك ..
واحد تلاقيه يعرف يقف جنبك في تعبك و ازماتك و يجرى معاك فى مشاويرك ..
و واحد تانى له بس فى الخروجات و الفسح و السهر و الفرفشة ..
و واحد تالت شاطر انه يسمعك و يفهمك و ينصحك و يحتوى مشاعرك
و ضيقتك و يدعمك نفسيا و يسأل عليك ..
يبقى مش من العدل و لا الذكاء انك تطلب من واحد انه يعملك كل حاجة
، لا بتاع المشاوير يفهم فى الخروجات و لا بتاع الخروجات يعرف يسمعك و يستوعبك ..
اطلب او استنى من كل واحد بس اللي يقدر عليه ، و ما تحملوش فوق طاقته
، و اقبله زى ما هو بميزاته ، و فوت له اللى ما يعرفوش ؛
ما حدش شاطر فى كل مهارات العلاقات ، بما فيهم انت نفسك !!
صح تمام ؟؟