الموضوع
:
الوجع بين ايد ربنا بيفرق عن الوجع وانت بره ايده
عرض مشاركة واحدة
رقم المشاركة : (
1
)
23 - 11 - 2022, 09:05 PM
walaa farouk
..::| الإدارة العامة |::..
الملف الشخصي
رقــم العضويـــة :
122664
تـاريخ التسجيـل :
Jun 2015
العــــــــمـــــــــر :
الـــــدولـــــــــــة :
مصر
المشاركـــــــات :
378,688
الوجع بين ايد ربنا بيفرق عن الوجع وانت بره ايده
بنقف كتير نحتار في حكمه ربنا ومبنفهمهاش لأنها بعيداً جداً جداً جداً عن الفحص
ومهما حاولنا بيفضل عجزنا حاجز بينا وبينه ف الفهم 😔
ربنا مش بتاع ليه؟! امتي؟! ازاي؟! اشمعنا؟!🤔
كتير بنضحك عليه ونقوله لتكن مشيئتك ونقوله المر اللي تختاره احلي من العسل
اللي بنشتهيه لغايه مانطوله وبيت مي قدامنا ومانخلصهوش😏
ربنا بتاع التسليم واحنا مش فاهمين بس واثقين انه فاهم وعارف الصح فين 😎
ربنا بتاع الثقه اللي وثقها بطرس في نص الحدوته الاولاني لما مكنش شايف غيره
ومشي ليه ع الميه لكن لما دخل دماغه ف الموضوع وحسبها غرق.🏊
ربنا بتاع الفرحه اللي فرحها أيوب لما عينه عرفت بتشوفه بعد ما ودنه ماسمعت عنه.👂
ربنا بتاع البهجه اللي بتيجي بعد لوم وعتاب وخصام بيجي هو بالنجده.🫂
صحيح ربنا بيوجع ويقرص ويجي في الهزيع الاخير ويمكن مايجيش
وصحيح ربنا بياخد موقف المتفرج من بعيد وطبطبه ماتحسهاش لكن الأكيد انه بيطبطب
ودوشتك ووجعك خلتك تفقد الإحساس بيها الكتاب قال عنه
( في كل ضيفهم تضايق وملاك حضرته خلصهم) 👼
ممكن تعيش كل حياتك مانتش فاهم هو ليه بيعمل فيك ومعاك كدا ليه كله وجع
وليه كله فيه كسره وانهزام وضعف وانك تشحته ماتلقهوش 💔
العجيب انك بعد وقت وغيبه وهدوء وسنين بتكتشف انك بتتغير رغم ان الوضع ماتغيرش
وبتفهم رغم ان المجهول مازال موجود وبتهدأ رغم وجود الدوشه حواليك.
بتكتشف انك بتكبر وتكون زي الكتاب مابيقول ( كونوا رحالاً)
ربنا يمكن مايحلش الدنيا ويسهلها بالعكس دا بيقفلها كل مادا زياده
لكنه ابدا مابيبعدش عن المشهد ويفضل هو المخرج اللي بيه بتطلع نسخه فيلمك 10/ 10
قدم ثقه يقدم سنده 💪
قدم طاعه يقدم احتواء ❤️
قدم صبر يقدم اكليل 👑
افتكر وقت الوجع و الضيقه انه بيتوجع عليك ويضايق معاك واكتر حد حاسك
حتي اكتر من نفسك صدق عشان تعرف تثقك وحتي لو لوقت شكيت
فهو بيقدر انك تحت الضعف واول ماتدرك دا بتلاقيه سندك وكتفه ف كتفك
مامشيش وجري زي ماكتير فينا بيعمل 😔
الوجع بين ايد ربنا اللي بتطبطب وانت مش حاسس
بيفرق عن الوجع وانت بره ايده وملطشه لدماغك 🫂
يارب رمم كل قلب مكسور واشفي وجعه وعلمه يشوف لمسه شفاك فيه 🙏
الأوسمة والجوائز لـ »
walaa farouk
الأوسمة والجوائز
لا توجد أوسمة
بينات الاتصال لـ »
walaa farouk
بينات الاتصال
لا توجد بينات للاتصال
اخر مواضيع »
walaa farouk
المواضيع
لا توجد مواضيع
walaa farouk
مشاهدة ملفه الشخصي
إرسال رسالة خاصة إلى walaa farouk
البحث عن كل مشاركات walaa farouk