[walaa farouk]

المساومة /المساومات
من اخطر الآفات اللي بتهز اي علاقة في الدنيا
ان الشخص يحس انه بيتساوم
يعني ايه؟
يعني
هحبك بس لو عملت كذا....
هسمع كلامك لو سمعت كلامي
هاشتري خاطرك لو اشتريت خاطري
هجيبلك كذا لو جبت لي كذا
هبقي مسئول عنك لو اتنازلت في كذا وكذا
هحافظ عليكي بس لما ترضيني وتراعيني في كذا وكذا
لو بطلت تعمل كذا او تصاحب فلان او تشتغل الشغلانة دي
..... هخليك معايا 😳😳
الخلاصة
الحب_المشروط
الكارثة بقي لما تلاقي نفسك بتتساوم في امور خطيرة
في core شخصيتك
كرامتك
مبادئك
حريتك
انتماءاتك
علاقتك بربنا
ايمانك بنفسك.....الخ
ساعتها
العلاقة بتبقي سامة ومؤذية جدا
لانك ببساطة بتتساوم علي آدميتك
انسانيتك
وطبعا النتيجة
١. بتفقد هويتك وثقتك في نفسك
٢. بتحس انك ممكن تترمي او تتباع في ثانية
٣. بتبقي في حيرة علي طول وخصوصا لو طرق الضغط
حاجة زي الحرمان او القمص او الزن او العنف في بعض الاحيان
٤. الانهيار النفسي والعصبي احيانا
٥. الجري في مكانك وخصوصا لو الضغوط زادت او الشخص كان دايما بيعلي سقف الطموحات والمساومات عنده مش بتخلص او مش بيشبع
خلي بالك
فوق علي قد ما تقدر قبل فوات الاوان
اتعلم الفرق بين التنازلات الصحية علشان المركب تمشي وبين الابتزاز_العاطفي و العلاقات_الاستغلالية
الحق نفسك