09 - 10 - 2022, 10:23 PM
|
|
|
|
..::| الإدارة العامة |::..
|
|
|
|
|
|
ظروف الحياة أصبحت صعبة جدا 😥
و دايما باسأل نفسي هو ربنا حاسس بظروفنا دي ؟! 😞
الرب يسوع لما حب يعلم تلاميذه الصلاة
كان فيه جزء مهم قوي بيقول فيه في صلاته "
خبزنا كفافنا أعطنا اليوم " 🙏
يعني ايه يارب "خبزنا كفافنا " ؟!
الرب يسوع شمل كل احتياجاتنا الجسدية من اكل
و شرب و لبس و لوازم الحياة في كلمة "خبزنا" 🍞
كمان علشان الخبز احتياج ضروري جداً مش رفاهية
فده كان إشارة أن ربنا مقدر جداً احتياجاتنا
و بيسمع لصلاتنا في طلبها و مش بيأخرها علينا 🥰
"كفافنا" يعني اعطينا مايكفينا 👌
"أعطنا اليوم" الله من زمان قوي و هو بيعلمنا إننا نخلي كل اتكالنا عليه فنعيش حياتنا بنتكل عليه يوم بيوم مش نتكل علي المخزون بتاعنا من الفلوس أو الأكل و الشرب 😊
فَإِنْ كَانَ لَنَا قُوتٌ وَكِسْوَةٌ، فَلْنَكْتَفِ بِهِمَا.(١ تيموثاوس ٨:٦ ) ✨
الله مُقدر جداً لمشاعرنا و احتياجاتنا علشان كده بيعلمنا بعد مانطلب ملكوته و مشيئته أننا نطلب منه كأب حتي أبسط احتياجاتنا الشخصية ❤️
|