[walaa farouk]

خد من قلبي حته او خده كله ..
اللي بيحب يعمل اكتر من كده ..

اعطيه و انا ما باحسبش ، باعمل كده بكل فرح ليك
، قلبي بيرقص و انا باشوفك بتزيد حتى لو انا باقل ..

كل ما بتنجح قدامى يبقي انا اللي بانجح
و كل ما تفرح فرحتك ترن فى قلبي قبل قلبك ..

ماما و بابا اول ناس بيعملوا كده و بلا حدود
.. و بعدين لما يكبروا الاولاد يعملوا زي اهاليهم ..
و شريك الحياة اللي بيحب بجد بيعمل كده ..
و الصديق الحقيقي برضه بيعمل كده ..

و اللي بيخدم الناس من قلبه
و مش مستنى منهم حاجة بيعمل اكتر من كده ..

تحية و سلام لكل قلب بيحب بجد ، لكل ام
و اب و زوج و زوجة و صديق و خادم بيعملوا كده ..

تحية للي ادي من نفسه علشان يسعد غيره،
و قطف من جناحه ورده علشان يفرح غيره،
و شال من قلبه حته و يمكن شاله كله و اداه علشان يحيى غيره ..