19 - 09 - 2022, 06:15 PM
|
| |
..::| مشرفة |::..
|
|
|
|
|
|
بلا الصليب ...
المسيحي بلا الصليب هو متل الجندي لي رايح عالحرب بلا سلاح
المسيحي بلا الصليب بيبَطِل ملح الأرض و نور العالم
المسيحي بلا الصليب هوي حَكي حَكي حَكي بلا فِعل
المسيحي بلا الصليب هوي سمكة بَرات المَي
المسيحي بلا الصليب هوي نَق و مش عاجبو العَجَب و تَذَمُر دايم بس ولا يوم صَلا
المسيحي بلا الصليب شاطِر يدافِع عن الله بس قدام أي مصيبة او أزمة بينسى مين هوي الله
المسيحي بلا الصليب متل صنج يَرُن و نحاس يَطُن وو لا مرة بيكون دِهَب عم يِختِبِر النار
المسيحي بلا الصليب متل لي معلِق الصليب برقبتو وولا مرة قِبِل يحمُل صَليبو و يتعَلَق عليه
المسيحي بلا الصليب أصلا مَنو مسيحي هُوي مفَكِر حالو مسيحي بس بَدو مية سنة تيصير مسيحي ، لأنو لي ما بيِحمُل صليبو جَبان و تعبان و تِلفان و زعلان و كل شي عندو تشاؤم و مش ظابِط ، ما بدنا مسيحية بلا الصليب كل عُمرا المسيحية هيي بطولة حُب و تضحية و صلا و إيمان زَرع صلبان عأعلى جبالنا و حَفَر وِديانا بريحة البخور و القداسة ، منِزعَل كيف في مسيحيي بيفتِخرو بزَعيمُن اكتر من الصليب و منذَكِرُن انو حاشا لي أن أفتَخِر الا بصليب ربنا يسوع المسيح و إخِر شي كِلو رايِح و كِلو زايِل و لي باقي مرفوع هوي الصليب و ينعاد علَينا نحنا و حاملين صلباننا آمين ( بونا بُطرس )
|