[walaa farouk]

ازاى تحدد وتعيش حلمك؟
خطوة أولى هي إنك تكتشف شغفك!
أوقات وسط مشغوليات وروتين الحياة
بننسى احنا بنحب نعمل ايه ؟! محتاجين نرجع تاني
نحقق احلامنا ودي خطوات تكتشف بيها حلمك 😍👇
1- اكتب الحاجات اللي بتحب تعملها ✍️
في حياتنا في حاجات بنعملها لانها أساسيات
لكن في حاجات تانية نحب اننا نعملها
وحتى لو مش عارفين نعملها صح لكن بنحبها.
2- اكتب الحاجات اللي كنت بتحب تعملها زمان 🧐
في طفولتنا ومراهقتنا كان بيبقى جوانا أحلام
نعمل حاجات لكن بعد ما بنكبر بننسها من المشغوليات،
اكتب الحاجات دي وشوف ايه اللي لسه تحب ترجعله
3- اسأل نفسك 🤔
اسأل نفسك ايه الحاجات اللي تحب تقضي فيها وقت
من غير ما تحس بالملل، ايه الحاجة اللي ممكن
تقرا لها كتاب او تتفرج على فيديوهات من غير ما تحس
ان وقت ضايع وتعمل كدا وانت مبسوط؟!
4- شارك المقربين 👨‍👩‍👧‍👧
شارك الناس القريب منك بأحلامك،
كمان أوقات القريبين بيعرفوا حاجات عنا
احنا مش مكتشفينها، روح للناس دي خليها تساعدك
في اكتشاف مواهبك وتفكر معاك
5- ابدأ جرب 👌
ابدأ جرب الحاجات اللي بتحبها حاول تتعلم حاجات عنها
سواء من على النت أو تاخد كورسات، جرب الحاجات دي
جنبك شُغلك لغاية ما تحدد انت حابب تستمر في ايه..
6- عيش حلمك 😍
بعد ما قضيت وقت وأنت بتعمل اللي بتحبه جنب شغلك،
لو اتعلمت كويس وعارف أنه هيجيب عائد مادي
أبتدي فيه، ممكن تشتغل نص وقت
ونص الوقت التاني لحلمك بعدها عيش حلمك..