[walaa farouk]

لما تبقى قدها

قانون ربنا حطه فى الدنيا لصالحك..

لو نفسك فى حاجة و بتحاول توصل لها و اتأخرت و لسه ما جتش ، اعرف انك انت لسه مش قدها ..

يبقى انت لسه مش قد المسؤولية و الدنيا مش ح تديك الا لما تنضج و "تستوي" و تبقي جدير باللى ح توصله ..

اصل فيه حاجات لو جت لك قبل ميعادها انت مش تكون قدها ، و لو عملتها بالعافية ح تخسرها و تخسر نفسك ..

يعنى مثلا فيه ناس ارتبطت او سافرت باستعجال قبل ما تبقى قد القرار ده و ندمت كتير و خسرت اكتر ..

و فيه ناس اتأخرت لما جات لها الفرصة الصح و نجحت و عوضت زمن الانتظار ..

و ربنا اكيد ح يديك الحاجات اللى تناسبك لما يلاقيك قدها ..