01 - 08 - 2022, 09:27 PM
|
|
|
|
..::| الإدارة العامة |::..
|
|
|
|
|
|
التغيير رحلة 🏃
أوقات كتير بتغيب الحقيقة دي عن بالنا 🌝
وبنستعجل أننا نتغير أو نتشكل في أمور معينة 👀
طبيعتنا و معتقداتنا و نظراتنا كلها أتبنت في سنين ....
فإزاي هتتغير وتتبدل في لحظات وأيام 😏
التغيير عربية عجلاتها المثابرة والصبر 💪 مع الإيمان والثقة في ربنا 🙏
الرب يسوع حب يعلم الدرس ده للأعمى زمان في (مرقس ٢٢:٨ )
وقرر أنه هيشفي الأعمي على مرحلتين ، في المرة الأولى سأله أنت شايف ايه فالأعمي قاله أنه شايف الناس أشجار.
وفي المرة تانية لما يسوع حط أيده علي عينيه شاف كويس خالص 😃
احنا كمان زي الأعمي ده أوقات بنحكم حكم مستعجل لأننا لسه محصلناش استنارة وعنينا انفتحت بالكامل ✨
لو حاسس أن في حاجات جواك لسه الشفاء فيها مش كامل ولسه بتألمك 💔
ولو لسه حاسس أن في جواك حتت بتشوكك وبتشوك اللي حواليك 🌵🌵
صلي الوقت اللي جاي أن ربنا يكمل شغله معاك في الحتت دي 🙏
صلي أن ربنا يديك المثابرة تتحمل وتكمل رحلة التغيير 😊
التغيير رحلة محتاجة مثابرة ♥️✨
لمسات_يسوع
|