[walaa farouk]

إحنا معذورين مادوقناش فى الدنيا تقدير حقيقى لشقاء الرحلة وإتعلّمنا نتحاسِب بقسوة على النتيجة دون مراعاة لأى ظروف فى الطريق ..
كبرنا نقسو على أنفسنا ونحسب النتايج مُفرّغة من المشاعِر والمواقف و نجلد ذواتنا فى مُقارنات ب standards غير آدمية مضحوك علينا إنها النجاح ..
عندى خبر مُفرِح
( السما تحسِب معافرتنا بشكل مُختَلِف )♥️

الله لما وعد إبراهيم بنسل، سارة ضحكت (ضحكة سخرية) على واقعها العقيم مش مصدقة الوعد لكن روح الله يُبشّرنا على لسان بولس
( بِالإِيمَانِ سَارَةُ نَفْسُهَا أَيْضًا أَخَذَتْ قُدْرَةً عَلَى إِنْشَاءِ نَسْل، وَبَعْدَ وَقْتِ السِّنِّ وَلَدَتْ، إِذْ حَسِبَتِ الَّذِي وَعَدَ صَادِقًا.) السما حسبت ضحكتها إيمان ومش بس كده ، ادتها الوعد إبن الضحك ..!

فى مشهد من مسلسل the chosen يظهر المسيح فى حوار مع مرات بطرس وبيقولها ( أنا شايفك.♥️ )
مش بس سمعان يهمنى ، إنتى كمان مجهودك متشاف ومتقدّر ومحسوب ..

شئ عجيب ومفرِح إن الله مقدّر جدًّا شقاءنا وتعبنا وحزننا ويحسبه لصالحنا..
على قلب الله نعرف الحقيقة دى وندوقها ونستلذّ بيها ونعيش رافعين راسنا متشجعين ؛ الله مقدّر معافرتنا.
#لست_أجيرة_بل_إبنة