[walaa farouk]

صحيت الصبح على مشاعر ضيق وغضب بسبب حاجة معينة حسيت إني بعافر فيها ومش بيحصل فيها تقدم .😔🤔😠...
حسيت إن معنديش قدرة ولا نفس أصلي مع إن كان عندى وقت ...😔😑.

بس بعد وقت طويل قلت أصلي حتى لو ٥ دقايق .🙏..

دخلت بمشاعري دي لربنا وانا جوايا أسئلة كتيير ؟؟!!
لغاية امتى ؟ 🕑
اشمعنى أنا؟🤦‍♀️
ما الناس مبسوطة اهيه وزي الفل (مش قصدى أحسد بجد )😄🤔🤦🏼‍♀️

وفجأة وأنا بصلي بدأ يطلع مني كلمات شكر وتسبيح.......
وبدل التذمر اللي جوايا اتحولت قعدتى مع ربنا ل شكر ....
أشكر على بيتي ....
أشكر على ولادي ....
أشكر على صحتي ...
أشكر على بركات بعتها من غير ما اطلبها وطلبات طلبتها
وادانى أكتر منها بكتيييير...

وجات جوايا الآية دي👇
"فَلْيَحْمَدُوا ٱلرَّبَّ عَلَى رَحْمَتِهِ وَعَجَائِبِهِ لِبَنِي آدَمَ.
وَلْيَذْبَحُوا لَهُ ذَبَائِحَ ٱلْحَمْدِ، وَلْيَعُدُّوا أَعْمَالَهُ بِتَرَنُّمٍ."
(اَلْمَزَامِيرُ ١٠٧: ٢١-٢٢)

في محضر ربنا الأمور بتبان على حقيقتها ...
بتصغر النواقص اللي باينة ضخمة وكبيرة في حياتنا .....
وبتكبر في عينينا البركات والعجائب اللي اختبرناها معاه ....

لو مش قادر تصلي الوقت ده من كتر الحمِل والهموم ....
قرر تقعد معاه دقايق.....كلماتك وحالتك هايتغيروا ....😄😇

بدل اليأس تلبس رداء تسبيح 🎼🎶🎵...
وبدل الرماد حياتك تتملي بالجمال ...👸🏼🤵🏼

عد أعماله بترنم ...🔢..صدقني هاتلاقيها كتيييييير اوى ........
صباحك ترنم ....🎸🎹🎵🎶.