[walaa farouk]

خد حقك منه ، انه لو حاول يضايقك اكتر ، تبقي قوي و ما تخافش منه و توقفه عند حقه بكل أدب و حزم
، و توريه ان طول ما معاك الحق انت لا تخشي احد ، فتعلن له ضعفه قدام ثباتك ..
خد حقك منه انك لا تشتبك معاه في معارك كلامية تقل قيمتك ،
و اوعي تديله فرصة يفرح انه شد انتباهك و يشتهر علي حسابك
، او يجرجرك لخناقة كلام ح يوحلك فيها ، و يطلع منها كسبان فيها اكيد بحرفنته في قلة الأدب..
خد حقك منه انك تنجح و تتفوق و تخليه يندم انه اتجبر عليك و خسر علاقتك بيه ..
خد حقك منه انك تكبر عليه بالادب لو جالك و قصدك في خدمة بعد ما عرف قيمتك و اعتذر لك
، تاخد حقك تالت و متلت انك تثبت له أخلاقك و ما تستضعفوش، و تساعده علي قد ما تقدر ..
خد حقك منه انك لو لقيته مكمل في الشر اللي هو فيه انك تتجاهله و تنسحب من علاقتك به ،
و تبقي متأكد انك انت الكسبان من خسارة علاقة مؤذية زي دي ..
إنما اوعي تاخد حقك من حد بالشر و الانتقام و الغل و معارك الكلام و التشهير ..
حتي لو غلبت ، ح تحول المعركة لمعارك، لان الشر دوار و لا يموت ..
أضف الي ذلك انك ح تفقد راحة بالك ، و ح تضيع الوقت اللي كان ممكن تنجح فيه الي خناقة
مع ناس مش فاضية غير للاذي و الخناق ..
اخد الحق صنعة و فن و مهارة و ذكاء و أخلاق