[walaa farouk]

يوسف النجار ...انسان رائع .
.من سبط يهوذا من نسل الملك داود ...يعنى الراجل دا لو كان ايام الملك كان زمانه بقى ملك اسرائيل .
.وبرغم كدا كان عايش حياه بسيطه جدا ...اسلوبه فى الحياه يشبه اسلوب السيده العذراء
..التواضع الشديد ...الصمت ...الاتكال على الله فى كل شىء ....
وقت ما خطب السيده العذراء كان عمره 95 سنه ...!!!
المعلومه دى عرفناها من التقليد ..من السنكسار ...
بالتأكيد واحد فى السن دى وبنت سنها 15 سنه مش ممكن يكون الغرض علاقه جسديه ..
.والدليل ان العذراء وهى مخطوبه قالت للملاك " كيف لى هذا وانا لست اعرف رجلا "....!!! كلام واضح ...
الخطوبه ايام اليهود مش زى الخطوبه عندنا احنا المسيحيين حاليا .
..المخطوبه كانت زوجه شرعا للخاطب ...كان المجتمع بيتعامل مع الخاطب والمخطوبه
على انهم زوجين ...السيده العذراء قدام كل الناس قالت للسيد المسيح وقت زيارة الهيكل "
هوذا ابوك وانا كنا نطلبك معذبين "..واخدين بالكم من كلمة " ابوك "..
محدش من الناس اعترض ...فى الشريعه اليهوديه المخطوبه زى اللى مكتوب كتابها عند المسلمين
..زوجه رسميه بس بدون علاقه زوجيه .
..طيب لو حدثت علاقه زوجيه بين المخطوبين هل المخطوبه ترجم ؟؟؟ لأ نهائيا ..لانها رسميا زوجته .
..ودا يوضح ليه اليهود لم يرجموا العذراء مريم ..
اللى يؤكد ان العلاقه مكانتشى علاقه جسديه ..ان العذراء كانت تعيش فى بيت اقربائها لانها فتاه يتيمه
...والدليل ان الحمل لما ظهر اراد ق.يوسف فسخ الخطوبه بهدوء ...
يعنى اتفاجىء بالحمل ...
القديس يوسف عاصر احداث عظيمه ...ظهر له الملاك اربع مرات
..فى المره الاولى طمأنه ان الحبل دا بالروح القدس .
..وشاف بنفسه المجوس وهما بيسجدوا للصبى ..
وطبعا حكوا للقديس يوسف اللى حصل معاهم عند قصر هيرودس ورد اليهود ان المسيح
سيولد فى بيت لحم ...! طيب هو ايه اللى ودى يوسف بيت لحم ؟؟؟
هو اصلا من بيت لحم وهاجر للناصره اشتغل نجار
...صدرت اوامر بالاكتتاب ..يعنى كل واحد يسجل نفسه واسرته فى مكان ميلاده ..تعداد اسرى كدا ..
وبرضه الرعاه لما راحوا للصبى طبعا حكوا ظهور الملايكه لهم والكلام العجيب اللى قالوه ..
.ق.يوسف سمع الكلام دا وشهد عليه
لما ظهر له الملاك وقال له روح اليهوديه ...لم يذهب ...!!! ليه ؟؟ الانجيل بيقول لانه خاف
...خاف من مين ؟؟؟
الملك ارخيلاوس ..ابن هيرودس الكبير اللى كان عايز يقتل السيد المسيح وهو طفل
...اصبح ملك على اليهوديه والسامره ..كان انسااااان بشع ..لا يعرف الرحمه او التفاهم
..لا يعرف غير سفك الدماء بشراهه ...فى يوم بعض اليهود عملوا ضده ثوره فى عيد الفصح ..دبحهم
..!! قتل 3000 يهودى ...خلى العيد جنازه ...!!!!! اغسطس قيصر رفده من الملك ونفاه الى بلاد الغال بسبب جبروته وحكمه البربرى ...يوسف النجار كان يعرف كدا ..خاف يروح يتقتل ..ازاى شاف المعجزات دى كلها ويخاف ؟؟؟
عادى ...طبيعه بشريه ضعيفه ..ايليا النبى وقف ضد كل انبياء البعل ..نزل نار من السما ..
منع الامطار ..عمل معجزات ...وخاف من ايزابل !!!!! ذكر قوة الاشخاص
وضعفهم يؤكد صحة ومصداقية الكتاب المقدس
عاش حتى عمر 111 .... كان السيد المسيح وقتها 16 سنه ..
.فى ناس بتقول انه كان متجوز قبل السيده العذراء وانجب يعقوب ويوسى ويهوذا وسمعان .
..بس الكلام دا خطأ ..لان الانجيل بيذكر ان اخت العذراء
كانت واقفه عند الصليب وبيحدد انها ام يوسى ويعقوب وسمعان ...قديس عظيم ...
شفاعته تكون معنا امين