[walaa farouk]

ما هو يا ربنا يباركلك في لسانك ، يا يشيل منه البركة ،
فينقلب عليك ..

اصل اللسان مراية القلب .. اللسان هو الترجمة المباشرة لاعمالك
و افكارك و نيتك ..

لما تكون متصالح مع ربنا و يرضي علي امانتك و طرقك ،
يمنحك حلاوة الكلام و حكمة الحديث ،
و جمال الرد ، و جاذبية القلوب ..
تلاقي لسانك محفوظ في البركة ، و متصان من الغلط ،
و محفوظ من الزلل؛ لا تزعل حد و لا حد يزعل منك
، لا تتعب حد و لا حد يتعبك ..

لكن لما طرقك لا ترضي الله، و نيتك تبقي خبيثة ،
و تمشي علي هواك، و لا تطلب الحكمة من الله، لسانك ينقلب عليك و يبقي عدوك و عدو الناس ، مهما حاولت تمسكه او تروضه..

تلاقيه خرج عن الحق و لخبط في التعبير ، و ورطك مع الناس ووقعك معاهم ، ووقعك في شر أعمالك ..

و اهو كده من عملك و يرتد اليك ، " كَمَا فَعَلْتَ يُفْعَلُ بِكَ
. عَمَلُكَ يَرْتَدُّ عَلَى رَأْسِكَ. (عوبديا ١: ١٥) ..

عاوز لسانك ينصلح ، أصلح قلبك ، و نور طريقك بالخير و حب الله و الناس ..