[souad jaalouk]

لكل يوم زوّادة: قصة زهرة وغيرة

بيقول القدّيس البابا يوحنّا بولس الثاني للقدّيسة تريزيا الطفل يسوع: كان عمري 17 سنة لمّا قريت قصة حياتك اللي انتي كتبتيها. كان عنوان الكتاب: "قصة زهرة زغيرة" بس كل ما اقرا كل ما اتأكّد انّو هيدي قصّة "قطعة حديد" بسبب قوّة الإرادة و الشجاعة اللي قريتها بين السطور!
بس اخترتي طريق الرب ما في شي قدر يلهيكي او يزيحك عنّو لا مرض، لا وجع لا تدخّلات خارجية و لا الشكّ!
هالقدّيسين اللي تنيناتن ندرو حياتن للرب و كان عندن قوّة ايمان كبيرة كتير... هالقدّيسين مَثَل لكل شخص بدّو يحب يسوع و يتقرّب مِنّو و مش عارف كيف! يا رب اعطينا نكون متلن عمّال بحقلك و نعكس صورتك تا الناس تشوفك فينا و عطينا القوّة تا نعمل كل شي قد ما كان صعب بحُب خصوصا بزمن الميلاد المبارك...