[walaa farouk]

زي الايام دي من 107 سنة وقت الحرب العالمية الاولي خرج بابا الفاتيكان
سنة ١٩١٤ يطالب بوقف ضرب النار وعمل هدنة عشان عيد ميلاد المسيح،
لكن للأسف القادة العسكريين الالمان و البريطانيين رفضوا موضوع الهدنة
و امروا بأستمرار الحرب و استمرار ضرب النار..
العجيب بقي ان الجنود رفضوا الانصياع لأوامر قادتهم و خرجوا فعلاً من خنادقهم بدون اسلحتهم
وتعاهدوا فعلاً ان ماحدش يضرب علي التاني نار و انهم ف وقت هدنة و هايستمتعوا و يفرحوا حتي وهما اعداء.🎄
واحتفل أكثر من ١٠٠ ألف جندي من الجبهتين الالمانية والبريطانية بالميلاد .
.ايوة الاعداء اصبحوا اصدقاء خلال عيد الميلاد و مش بس كدة، ده كمان تبادلوا الهدايا التذكارية زي زراير ملابسهم العسكرية و وقبعاتهم، قدموا لبعض الاكل و سمحوا لبعض أن يدفنوا اصدقائهم اللي ماتوا وسط الحرب
.. كان في بينهم قسيس بيتكلم اللغتين الالمانية و الانجليزية سمحوله يصلي علي الجنود اللي ماتوا..
ده حتي حلقوا لبعض شعر راسهم 😀
تصوروا انهم لعبوا ماتش كورة مع بعض 😍😍😍
الفترة دي سميت بعد كدة ف كتابات المؤرخين ب
(قوة الامل ف احلك الاوقات ظلاماً).
الهدنة استمرت من يوم ١٤ ديسمبر لحد يوم ٣ يناير يعني ٢٠ يوم بدون نقطة دم واحدة
والسبب كان ...
ميلاد_المسيح