[walaa farouk]

لو سألت أي حد "هو حضرتك مؤمن؟"
هتكون الإجابة البديهية منه:
طبعاً مؤمن وموحد بالله..
بس ياترى هل هو ده مفهوم الإيمان؟!
الحقيقة الكتاب المقدس بيقولنا
إن العلاقة مع الله فيها 3 أنواع من الإيمان..
النوع الأول.. اسمه الإيمان العقيدي:
وده اللي يخص كل أفكارنا ومُعتقداتنا عن الله..
ولازم يكون إيمان صحيح ومتفق
مع اللي الله أعلنه عن نفسه في الكتاب المقدس
النوع الثاني.. اسمه إيمان الخلاص:
وده إيماننا إن المسيح اتجسد ومات وقام من الموت
علشان يفدي البشر من خطاياهم..
الإيمان ده هو أساس العلاقة مع الله..
لأن من غيره مفيش قبول للبشر عند ربنا بسبب خطاياهم
الإيمان ده هو اللي بينقل البشر من الموت للحياة..
وهو اللي بينقذ الإنسان من الهلاك الأبدي..
النوع التالت.. اسمه إيمان الثقة:
وده اللي يخص ثقتنا في صفات الله وطبيعته..
فأنا بصلي لأني واثق إن الله بيسمع صلاتي،
وكمان عندي ثقة إنه يستجيب ليها..
وعندي ثقة فيه إنه هيحافظ عليا ومش ممكن يؤذيني،
الرائع إن الـ 3 أنواع دول من الإيمان مُرتبطين ببعض
فالإيمان العقيدي بيقوي إيمان الثقة عندي..
وإيمان الثقة مينفعش يكون موجود
من غير إيمان خلاص حقيقي..
لو عاوز تعرف أنت مؤمن حقيقي ولا لأ..
دور جوة نفسك على الـ3 أنواع من الإيمان دول.