[هبه ممدوح]

ترنيمة يا مصر الناس سألوني
(1)
يا مصر الناس سألوني بحب ترابك ليه
قلت علشان اللي فداني ارضك باست رجليه
وهواكي نسيم بيداعبه شجرك ضلل حواليه
لما ارتاح على نيلك شمسك لمعت في عينيه
(في سحابة خفيفة جالك يبارك يا مصر ولادك)2
ويعود الخير بسلامك وعدك يارب امين
(2)
يا مصر الناس سألوني بحب اسمك ليه
قلت اسمك جوة كتاب مختومة البركة عليه
والمذبح وسطك ساكن وعمود في تخومك بيه
ده كاروز يكتب انجيله من مصر الوحي عليه
(3)
يا مصر الناس سألوني بحب تاريخك ليه
مين يقدر ينسى جدودي قدموا للعالم ايه
في المجمع كان أثناسيوس يحمي ايماننا يقويه
في الدير اولاد انطونيوس نور للعالم يهديه
(4)
يا مصر الناس سألوني هفضا احبك ليه
ده في مصر الحب علامة وشهادة قوية عليه
وعرف المصري الهه وعرف الرب بنيه
عودي يا مصر جميلة ده ولادك جوة عينيه