02 - 12 - 2021, 05:20 AM
|
| |
..::| مشرفة |::..
|
|
|
|
|
|
لكل يوم زوّادة: نعمة منشكر الله عليها
بيخبرو عن ضيف ببرنامج سألو المذيع اذا بعطيك هلّق مليون دولار شو بتعمل؟ قلّو بِفرَح كتير!
المذيع: يعني شو ما قلتلك مش معقول تزعل؟
الشب: اكيد لأ المصاري بتحلّ كل شي.
المذيع: طيّب اذا بعطيك 10 مليون دولار!
لمعوا عيونو للشب بمجرّد ما فكّر شو رح يعمل بهالمبلغ الكبير.
المذيع: بس ما خلّصت جملتي، بعطيك ياهن بس ما بتوعى تاني يوم.
ما فكّر الشب قلّو: ما بدّي ياهن!
المذيع: ليش؟
الشب: شو نفعن اذا ما كان عندي وقت اتصرّف فيهن. المذيع: يعني انت عم تقول انّو يكون عندك نهار جديد تعيشو اهمّ من المصاري.
الشب: اكيد!
المذيع: ليش ما فكّرت هيك قبل؟
الشب: معك حق، و لا مرّة فكّرت بهالطريقة!
يمكن كل يوم يكون عِنّا مشاكل و نتعرّض لإشيا و نعيش اشيا صعبة بس تذكّرو انّو نحنا وعِينا بهالنهار و غيرنا لأ! انّك تفتح عيونك الصبح نعمة وحدها بتستاهل تشكر ربنا عليها بكل لحظة!
|