20 - 11 - 2021, 08:07 PM
|
|
|
|
..::| الإدارة العامة |::..
|
|
|
|
|
|
إنت مش واخد منهم موقف ولا زعلان منهم ولا مخاصمهم و لا فكرة مبقوش يهموك
.. إنت بس ساكت !
حالة سكوت سيطرت على كل حاجه .. مش حزن ولا إكتئاب
لكن مبقتش عارف تفرح زي زمان وتحب زي زمان .
. مش عارف تتحمس زي الأول مش عارف تستمتع بالتفاصيل
مبقتش قادر تعاتب ولا تناقش ولا تقرب ولا تبعد ..
ولا حتى قادر تزعل ولا تخاصم ولا تحزن !
يعني كنت منتظر إيه من قلب إستهلكته السنين دي كلها حساسيه
وعطاء مش في مكانه ومشاعر متوزعه وعتاب وخذلان وخوف وتعلق ؟؟
كنت فاكره هيكمل كده ؟
مستحيل ! مبقاش يقدر ..
هيفتكروك جاحد .. قاسي .. مش همك ..
يفتكروا براحتهم .. مش علشان هم مش فارقين معاك .
. علشان دي مبقتش قدراتك لا تغير صوره ولا تعافر مع حد ..
دي تراكمات سنين !
كل ده برغم ظاهره المحبط إلا إنها محطات طبيعيه ومع الوقت وجعها هيقل .
. دي بدايات طريق التخلي عن البشر بالله .. والتحرر من حاجات كتير ..
رحله قاسيه لكنها طريق الوصول .
|