[Mary Naeem]

مرة رحت أزور ناس .. راجل ومراته كبار في السن .. لزقين في بعض وحزانى بيبكوا ..
ما سألتهمش
لقيتهم قاعدين كدة :-
1) أوضة ضلمة
2) وِحدة
3) أمراض شيخوخة
4) الموت ساكن الأوضة
5) الحياة مش مع الله فخايفين مش هياخدوا الابدية
فبيبكوا
= مين فيكوا مش هيعدي عالحالة دي ؟!
= مين فيكوا مش هيعدي عالأوضة الضلمة دي ؟!

(وننتظر قيامة الاموات وحياة الدهر الاتي)
ليتك كل حين تنتظر حياة الدهر الاتي ..
الاوضة مش ضلمة
القلوب اللي ضلمة
أصلهم مش حاسين بحاجة
" اذكر خالقك في ايام شبابك ، قبل أن تأتي أيام الشر أو تجيء السنون إذ تقول: ليس لي فيها سرور " .
الكتاب المقدس مافيهوش شر
انت اللي حطيت نفسك في الحياة دي
علشان كدة شوف ربنا فين وإمسك فيه

خلوا بالكم .. خلوا بالكم

اللي بيمسكوا في العالم
كل ما يكبروا يسيبوا العالم
اللي بيمسكوا في الله
لما يكبروا (( الله بيمسكهم ))
.
من أقوال القديس البار
الانبا كاراس اسقف عام المحلة الكبرى