[walaa farouk]

واحد يحكى ان خاله مات بسبب انه شرق وهو بياكل !!
🟦وواحد تاني بيقول من كام يوم كان مسافر في شغله وشرق
وهو بياكل ووصل لمرحلة انه ازرق عشان محدش عارف ازاى يلحقه لحد ما لحقه واحد صاحبه
علي اخر لحظة جاله من مكان تانى لان اللي كان معاه معرفش يتصرف !!!
🟦دى قصص واقعية وفي غيرها كتير وده لازم ينبهنا
اننا نتعلم ونعلم كل اللي نعرفهم واللي موجودين حوالينا يتصرفوا ازاى
لان ده موقف ممكن كلنا نتعرض لي
🟦ده كلام بيحكيه احد اصدقائنا...
نرجع و نقول تاني وتالت ورابع...
🟦لو حد قدامك شرق وهو بياكل او بيشرب 🙁
وقطع النفس خالص تتصرف ازاي ؟؟
🟦اولا ..
تقف ورا العيان وتحوطه بايديك الاتنين بحيث
ان قبضة ايدك تكون فوق السره زي في الصوره
🟦ثانيا ..
تثبت نفسك وراه كويس علشان ماتاخدوش وتقع .. 😃
🟦ثالثا..
تضغط بدراعك كانك بتشده عليك ..
بحيث ان كفك يضغط علي بطنه باتجاه الداخل وفوق ..
وتفضل تضغط وتسيب كده لحد ما الحاجه
اللي كانت واقفه في مجري التنفس تخرج والعيان ياخد نفس..
🟦في حالة السيدة الحامل او الشخص التخين.. بنحط ايدينا اسفل الصدر ونضغط
🟦خلي بالك بنعمل الطريقة دي في حالة الانسداد الكلي لمجرى التنفس
وان الشخص يكون مش عارف حتى يكح....
لو الشخص قادر يكح ده معناه انه انسداد جزئي... بنخليه يميل لقدام شويه ونشجعه انه يكح
🟦شير في كل مكان وعلم كل الناس حواليك لعلك تكون سبب في انقاذ حياة .
🟦ولان انا وانت مكن نتحط في الموقف ده ومحتاجين اللي يساعدنا