[walaa farouk]

☀️ لما كان صغير، الحياة كانت بسيطة وهادية، طلباته كانت مقبولة،
أسراره كانت كلها معايا، أصحابه كنت عارفاهم وعارفة سلوكياتهم، كنت علطول عارفة عنه كل حاجة.
☀️ في سن المراهقة الوضع اتغير تمامًا، طلباته بقت غريبة، أسراره بقت كلها مع أصحابه، أصحابه اتغيروا ومابقتش عارفه عنهم حاجة، لأ وكل يوم اتفاجئ بقرار جديد:
مرة أنا نازل أخرج مع صحابي، من غير ما يقول لي غير وهو على الباب❗
مرة يشتري لبس شكله مش لايق على سنه ولا مظهره واتفاجئ به قدامي❗
مرة ألاقيه بيكلم صاحبه في التليفون وبيتفقوا على مكان سهرتهم النهارده وكإن أنا آخر من يعلم❗
وقتها بتبدأ انفعالاتي عليه، وشد وجذب، وإنه خلاص كبر وعاوز ياخد قراراته بنفسه من غير ما يرجع لي.
وتبدأ المشكلة الأزلية في الظهور ❌
👈 مشكلة التواصل ما بين المراهق وأهله.
وهنا يجي سؤال مهم❓
إزاي تقدر تسيطر على ابنك المراهق وتخليه يحكي لك عن نفسه زي زمان،
عشان تطمن عليه وماتكونش آخر من يعلم❓
👈 علم النفس الحديث بيقول إن المراهق محتاج تعامل وتربية خاصة منك،
\وعشان تقدر تكسب ثقته وتكون أول واحد بيلجأ له لو احتاج نصيحة، محتاج تطبق شوية نصائح مهمة زي:
1️⃣ تحاول تكسب ثقته وتعرف الأسباب اللي خلته يخاف يحكي لك أسراره.
2️⃣ ادعمه بالحب والحنان والعطف عشان فيه حاجات أهم كتير من الدعم المادي سواء مصروف أو لبس جديد.
3️⃣ اعرف هواياته وبيحب إيه وبيكره إيه عشان تساعده في تكوين شخصية وهوية قوية.
4️⃣ اوعى تفضل مراقبه وتتجسس عليه طول الوقت عشان تعرف أسراره، بس في نفس الوقت تابعه من بعيد.