[walaa farouk]

بيحكي بولس أنه لما راح مكدونية كان وقت صعب وعنيف عليهم مش بيحكي تفاصيله لكن بيقول الكلمات دي: " لأنَّنا لَمّا أتَينا إلَى مَكِدونيَّةَ لَمْ يَكُنْ لجَسَدِنا شَيءٌ مِنَ الرّاحَةِ بل كُنّا مُكتَئبينَ في كُلِّ شَيءٍ: مِنْ خارِجٍ خُصوماتٌ، مِنْ داخِلٍ مَخاوِفٌ"
متخيليين الحالة صعبة أد إيه يعني تعب جسدي، تعب نفسي، صراع وعداوة خارجية، خوف وتوتر داخلي.. معلش أقراهم تاني كده بالراحة وتخيل الحالة دي اللي ممكن تكون أنت كمان بتمر بحالة قريبة منها!😥

التغيير حصل أزاي؟! فين النقلة اللي حصلت🤷🏻‍♂️..
أسمع معايا الكلمات بعدها على طول دي بتقول إيه: "لكن اللهَ الّذي يُعَزّي المُتَّضِعينَ(المنسحقين) عَزّانا بمَجيءِ تيطُسَ."
تيطس كان سبب التشجيع تيطس كان سبب للبركة
تيطس كان سبب التعزية
تيطس كان سبب الدعم
تيطس كان سبب تغيير الحالة
مجئ تيطس وظهوره في المشهد لبولس ورفقاؤه غير المشهد وغير الحالة تماماً! 😍
غيرها مش بس روحياً لكن نفسياً وجسدياً كمان 💪🏻
وبولس شاف أن دي وسيلة ربنا أنه يغير حالتهم "الله .. عزانا" 🙌

"الله" بجد! مش بس على تمييز بولس وسط الظروف .. لكن كمان "الله" على الناس اللي ممكن يكونوا سبب تغيير الجو الروحي والحالة كلها! 😇
عايز أشجعك النهارده تكون بولس وتكون تيطس!
خليك زي بولس تشوف اللي ورا كل حاجة بتحصل أيد ربنا مش الصدفة ولا الظروف!
وخليك زي تيطس سبب تغيير المشهد والحالة لناس كتير حواليك!😍