[walaa farouk]

كتير اوي بنسمع آيات "لا تخف"
وتأملات كتير بتتقال على كلمة "لا تخف" دي!
امبارح بقى وقفت قدام كلمة غيرت يومي
بعد كلمة لا تخف حابب أشاركك بيها يمكن تغير يومك
وناس تاني معاك لما تشاركها!
في أشعياء 41 بيقول كده: «لا تخَفْ لأنّي معكَ.
لا تتَلَفَّتْ لأنّي إلهُكَ. قد أيَّدتُكَ وأعَنتُكَ وعَضَدتُكَ بيَمينِ برّي»
الكلمة اللي وقفت قدمها هي "لا تتلفت" وحسيت كده كأنه بيكلمني أنا وبيكلمني كمان في العصر ده بتاع الفيسبوك وانستجرام وكل الحاجات اللي تدوخ حوالينا دي🤦🏻‍♂️

الحقيقة بقالي وقت متوتر
بشوف اخبار تضايق
بتحصلي أحداث تلخبط
لدرجة بقيت بشوف صور ناس فرحانة أو ناس بتتفسح مثلاً وأنا أزعل معرفش ليه يمكن عشان هما فرحانين وأنا لأ
.... يعني حاجات كتير غريبة🤷🏻‍♂️.....
حسيت الكلمات دي بتصرخ ليا كده «لا تتَلَفَّت»
ملكش دعوة بحد
ملكش دعوة بالظروف
ملكش دعوة بالفيسبوك بيقول إيه
ملكش دعوة مديرك ضاغط عليك أزاي
لا تتلفت مش بس متخفش لا ما تتشتتش يمين وشمال بأي حاجة
بلاش تروش نفسك زي اللي ماشي خايف في شارع ضلمة ببساطة لأني أنا معاك 🤝
ومش بس معاك ده أنا هسندك وهعينك وهدعمك بيميني وقوتي
عايز أيه تاني؟!
مش بقولكوا يومي أتغير😃..