[walaa farouk]

عارفين لما الولد الصغير يقولك أنا هبقى دكتور وتلاقيه لبس السماعة ولبس البالطو وعاش الدور! 👨‍⚕️
المنظر كوميدي ولطيف😂
بس أحب أقولك أحنا ساعات في الحياة مع ربنا بنعمل حاجة شبه كده..
تعالى أقولك ازاي يا سيدي..

تيجي تقول أنا عايز امتلك أراضي روحية جديدة
أنا عايز أعمل مع الرب دور كبير للملكوت
انا عايز أكون كذا كذا وكذا 💪💪
وانت اصلاً مبتقراش في الإنجيل😅
وانت اصلاً مش بتعرف تضبط نفسك وانت اصلاً مش بتعرف تروض لسانك👅
وانت اصلاً مش بتراقب نظراتك؟!👀
إيه بقى طيب؟! 🤔
ازاي يعني؟! 🤷🏻‍♂️
ماينفعش تبقى دكتور غير لما تتعلم جدول الضرب وبعدين تاخد حصة العلوم اللي بتتكلم عن الجهاز الهضمي وبعدين تخلص ثانوية عامة وهكذا وهكذا..

نفس الحال في سكة التغيير
أبتدي من الحتة اللي أنت واقف فيها👌🏻
أعمل تقييم لسلوكياتك اليومية📝..
راجع عاداتك اليومية العادية المنتظمة..
فكر في الأفكار اللي بتتكرر جواك كل يوم عن الناس وعن ربنا وعن الحياة وعن كل حاجة 🤔
بتصرف فلوسك ازاي؟ 💸
بتشتكي من إيه كل يوم؟ 😭
بتابع إيه كل يوم؟ 😳

أبتدي من الحتة اللي أنت واقف فيها. على بلاطة كدة مفيش في الحياة مع ربنا اسانسير
في سلالم بتطلعها كل يوم خطوة وبتبتدي من الحتة اللي انت واقف فيها 👣

يلا ابتدي💪🏻💪🏻

نسور_كالنسر 🦅
شبهي_ومفيهوش_غلطة