[walaa farouk]

.

فيه ناس كده ، مهما تعمل لهم مش ح يحبوك ..
حتي لو ولعت لهم صوابعك العشرين في ايديك و رجليك (!!)
برضه اللي في القلب في القلب ..

و ما تسألش ليه ، لان مرات قلة الاجابة ارحم من إجابة توجعك قوي ..

الناس دي حاطاك في دماغها و شايلاك في قسم الكراهية علي الشمال و انت داخل جوه المخ !! ..

حبة حسد علي حقد علي عقد مدفونة علي قلب وحش علي نية مريضة..

دول بقي ما لهمش حل ..

كل ما تخدمهم و تديهم و تكرمهم، يعتبروا ده ضعف و خوف
، و يركبوا اكتر و يكرهوا اكتر و اكتر ..

الناس دي مش ح يحبوك لأنهم مش بيعرفوا ..

المهم انت تكمل تحبهم في قلبك ،
و لو حسيت انهم بيستضعفوك اوعي تسيب ده يحصلك .
احترم عزة نفسك و كرامتك و اوعي الحاجة ليهم تذلك
او الخوف منهم يهزك و يهدك ..
ساعتها تجمد عشرتك بيهم ، و تركنها علي جنب
و تكمل تحبهم و تصلي لهم و انت بعيد ..
و يا اما المعجزة تحصل و قلبهم يتغير ناحيتك ، يا اما كرههم ح يكمل بس تكون انت بعيد عن نارهم و مستعني في قلبك عنهم ..