10 - 05 - 2021, 04:23 AM
|
| |
..::| مشرفة |::..
|
|
|
|
|
|
لكل يوم زوّادة: أعلى بناية
بيخبرو عن شخص عم يفتّش كيف بدّو يصير صاحب اعلى بناية بالمدينة عم يستشير رفقاتو بس كل واحد قلّو شي!
الأوّل قلّو: شو هالسؤال! بدّك اعلى بناية بتروح بتعمل تصميم و بتعمّرها!
التاني قلّو: و لا اهين! بتروح بتبرم كل بنايات المدينة و بس تلاقي اعلى وحدة بيناتن بتشتريها!
التالت قلّو: لا تعمّر و لا تفتّش و تتعب احسن حلّ نقّي اي بناية و هبّط كل الباقيين بتبقى وحدها واقفة و اكيد بتكون الأعلى!
اي نصيحة قولكن احسن؟ ....كل واحد بيشوف الدني بعيونو و بقلبو...متل ما بيكون قلبك هالشي بينعكس عا تصرفاتك و نصايحك لغيرك! يا رب عطينا عيون و نفسيّة الصديق الأوّل!
اسبوع مبارك بشفاعة امنا مريم العدرا.
|