[walaa farouk]

سلام لناس نوروا قلوبنا ..

سلام للقلوب اللي خلتنا نحب نفسنا يوم ما فقدنا منها الأمل ..

و سلام لكلامهم الحلو اللي طمنا علي انفسنا و حببنا فيها يوم ما كنا مخاصمينها..

و سلام لاياديهم المليانة حب و خدمة ، اللي فاضوا بيها علينا
و من غير ما نطلب ، يوم ما الكل سابنا حتي اقرب الناس ..

سلام للي حببونا في الدنيا و خللوها منورة في عينينا
بعد ما فقدنا منها كل رجا ..

و سلام للملايكة اللي عايشة معانا ، لقلوبهم الصافية، و لرائحة الياسمين السماوية اللي بيبدروها بكل سخاء علي اي واحد و كل واحد ..

و سلام للي خلونا نحب ربنا تبارك اسمه ، ربنا اللي خلقهم يشعوا من ضياء السما علي كل الناس ..